انصار: (د لنیدی۲۵مه) ، د هند د بهرنیو چارو وزیر د جمعې په ورځ د خپل هیواد ولسي جرګې (لوک سبها) ته په نوي ډیلي کې د افغانستان د سفارت د بندېدو او بیا پرانیستل کېدو او له افغانستان سره د هند د اړیکو په اړه توضحات ورکړل.
د هند د باندنیو چارو وزیر ایس شنکر د (لوک سبها) پوښتنې ته په لیکلي ځواب کې ویلي چې په تېرو دوو کلونو کې یو شمېر افغان دیپلوماتان له هنده په دې خاطر وتلي چې په درېمګړي هیواد کې یې اقامت ترلاسه کړی، خو پاتې دیپلوماتانو د خپل هیواد د دیپلوماتیک ماموریت (سفارت او کونسلګریو) د فعال ساتلو لپاره مسوولیت په غاړه اخیستی دی.
د هند د باندنیو چارو وزیر همداراز ویلي چې له افغانستان سره د هند اړیکې د تاریخي او دوستانه اړیکو پر اساس ترسیم شوي او د ملګروملتو د پرېکړه لیکونو پر اساس دي.
د هندي رسنۍ، ټایم اف انډیا د راپور له مخې، په نوي ډیلي کې د سفیر فرید ماموندزي تر مشرۍ لاندې د افغانستان سفارت د تل لپاره د سفارت د بندولو اعلان وکړ او دلیل یې د هند د حکومت پر له پسې ستونزې او فشارونه وبلل خو باور کېږي چې د ماموندزي اعلان د افغان دیپلوماتانو ترمنځ له خپل منځي اختلافاتو او په لوېدیځو هیوادونو کې د ۲۰ دیپلوماتانو له پناه اخیستلو سره تړاو ولري.
په ډیلي کې د افغانستان د سفارت د بندېدو له اعلانه وروسته په مومبي او حیدراباد کې د افغانستان جنرال قونسلانو ذکیې وردک او سید محمد ابراهیم خېل وویل چې دوی اجازه نه ورکوي چې سفارت بند شي.
URL تعقيب: https://www.ansarpress.com/pashto/29021
امرالله صالح: د طالب جګړه د دین لپاره نه د قدرت لپاره ده، د نورو د ګټو لپاره خپل خلک وژني